АФИША КАРТА ЯКУТСКА 2GIS Билеты онлайн
ПОГОДА
28
Ясно
КУРС ВАЛЮТ
Курсы валют
Курс ЦБ
$  59.54
 67.69
ЛЕНТА НОВОСТЕЙ
Архив новостей
Сахалыы
20 апреля 2017, 10:56
508

Майа 115 сааһын бэлиэтээтибит

Муус устар 15 күнүгэр Майа сэлиэнньэтэ төрүттэммитэ 115 сылынан үөрүүлээх тэрээһин киэҥ далааһыннаахтык тэрилиннэ. Эдэриттэн эмэнигэр диэри Майа олохтоохторо мустаннар бырааһынньык сарсыарда Майинскай уонна Дьоруой Ф.К.Попов аатынан уулуссаларынан кыттыылаах параадынан хаамыстылар.«Манчаары» атыы-тутуу оройуттан тутулунна.  

Улуус баһылыга Николай Старостин, «Майа сэлиэнньэтэ» МТ баһылыга Тимофей Нестеров олохтоохтору уонна ыалдьыттары эҕэрдэлээтилэр. Майа 115 сааһыгар анаммыт муус оҥоһуктар куонкурустарыгар бастаабыт Майатааҕы лиссиэй кэллэктиибигэр Грамотаны, өрөспүүбүлүкэтээҕи баальнай үҥкүүгэ кыайбыт  хамаанда хапытааныгар Ян Новгородовка, Александр Степановка Махтал суруктары туттартаата.

Бу күн тутуу эйгэтигэр кылаатын иһин «Мэҥэ Хаҥалас улууһа» МО Грамотатынан «Мегинострой» тутууга оҥорон таһаарар кээпэрэтиип каменщига Ким Прокопьев, «Теплоснаб» тэрилтэ өрөмүөннүүр силиэсэрэ Андрей Пинигин, доруобуйа харыстабылын эйгэтиттэн санитарка Елена Андреева, М.К.Попова аатынан Майатааҕы оҕо ускуустубатын оскуолатын хаһаайыстыбаннай чааска сэбиэдиссэйэ Дмитрий Андреев, В.П.Ларионов аатынан Майатааҕы орто оскуола техническэй үлэһитэ Акулина Аянитова Махтал суругунан наҕараадаланнылар.

Майа олохтоохторун Майаҕа 1902 сыллаахха бастакы Таҥара дьиэтин туттарбыт, Ярославль куораттан куолакал сакаастаан аҕалан туруортарбыт  Василий Павлов ‒ Бэйбэчэк баай хос-хос сиэнэ, П.А.Ойуунускай аатынан «Саха» академическэй тыйаатырын артыыһа, СӨ үтүөлээх артыыската, биир дойдулаахпыт Софья Баранова ‒ Сергучева долгуйан туран эҕэрдэлээтэ итиэннэ мантан сайын бэйэтэ туруорбут «Уол колокол» диэн драматын таһааран Майаҕа тахсан көрдөрүөхтээҕин туһунан иһитиннэрдэ.

Үбүлүөйдээх тэрээһининэн бэйэлэрин эҕэрдэлэрин Майа сэлиэнньэтин дьокутааттарын Сэбиэтин бэрэссэдээтэлэ Антонина Федорова уонна Коммунистическай баартыйа аатыттан Анатолий Чичахов тиэртилэр.

Бу күнү Сардана Осипова «Майа сайына», Майа туһунан эр дьон вокальнай ансаамбыла ырыанан,  «Үһүс көлүөнэ»  оскуолатын литературнай куруһуогун бэрэстэбиитэллэрэ Майа туһунан айбыт хоһооннорунан, араас үҥкүүнэн-битиинэн, ырыанан-хоһоонунан киэргэттилэр . Кырачааннарга анаан минньигэс кэмпиэттэри тарҕаттылар, түөлбэлэринэн көрдөөх-нардаах оонньуулар, куонкурустар, босхо сүүйүүлээх лотереялар оонньоннулар. Д.Ф.Ходулов аатынан норуот айымньытын дьиэтигэр, «Кыталык» оҕо-ыччат эстетическэй киинигэр шоу-бырагыраамалар,  Майа уопсастыбаннай түмсүүлэрин көхтөөх бэрэстэбиитэллэрэ бэртээхэй кэнсиэри көрдөрдүлэр, аныгы үгэһинэн флешмобтар туруорулуннулар.

Өрөгөйдөөх бырааһынньык Комсомольскай болуоссакка үөрүүлээх-көтүүлээх чаҕылхай салютунан түмүктэннэ.

Виктория БЕЛОЛЮБСКАЯ.   

Источник: Пресс-служба Мегино-Кангаласского улуса.
Если вы стали очевидцем интересного события или происшествия, присылайте фото и видео на Whatsapp +7 (999) 174-67-82
Если Вы заметили опечатку в тексте, просто выделите этот фрагмент и нажмите Ctrl+Enter, чтобы сообщить об этом редактору.
Спасибо!
Система Orphus
ПОСЛЕДНИЕ МАТЕРИАЛЫ