АФИША КАРТА ЯКУТСКА 2GIS Билеты онлайн ГОД ЭКОЛОГИИ
ПОГОДА
19
Ясно
КУРС ВАЛЮТ
Курсы валют
Курс ЦБ
$  62.34
 73.37
ЛЕНТА НОВОСТЕЙ
Архив новостей
Сахалыы
4 мая 2018, 11:20
757

«Куоххэ уктэнэр улам чугаhыыр» — дииллэр абыйдар

Бу күннэргэ оройуоҥҥа ынах сүөһү, сылгы иитиитинэн дьарыктанааччылар күөххэ үктэнэллэрэ чугаһаан, сүргэлэрэ көтөҕүллэн, настарыанньалара үчүгэй. Билиҥҥи туругунан 168 төбө сүөһүттэн, ол иһигэр 80 ынах, 32 төрүөх ньирэй, туруктара этэҥҥэ.

Бу күһүн ынахтары идэһэлэммэт туһугар өйдөтүүлээх үлэ тэрээһиннээхтик ыытыллан, төбө ахсаана түспэтэҕэ. 328 төбө сылгыттан сылгы көрөр үс базаҕа 100-тэн тахса сылгы эбии аһылыкка тураллар. Биэ төрүөҕэ эмиэ саҕаламмыта. Аһылык саппааһа – от, комбикорм бары хаһаайыстыбаларга тиийэр. Бу олохтоох тыа хаһаайыстыбатын управлениета былырыҥҥы оттооһун хампаанньатыгар биир кэлимсэ үлэлээбитин түмүгэр ситиһилиннэ.

Оройуоҥҥа аҥардас сүөһү-сылгы иитиитэ тутах диэн өйдөбүлтэн салалта тыа хаһаайыстыбатын түргэнник ситэр салааларыгар болҕомтотун уурбута. Онно олоҕуран  үчүгэй өрүттээх саҕалааһыннарга олук уурда. Ол курдук Абый нэһилиэгэр Анатолий Стручков «Тирэх» СХПК быйыл саас 4 тыһы, 1 атыыр сибиинньэлэри ылан хайыы-сах 40 бороһуонак нэһилиэктэринэн атыыланнылар. Олунньу бүтүүтэ тарҕаммыт бороһуонактар номнуо торолуйдулар. Сибиинньэ ылбыттар сорохторо аны күһүн идэһэҕэ туттубакка, төбө ахсаанын элбэтэр, салгыы көрөр баҕалаахтар.

Маны таһынан көтөр иитиитэ харах далыттан эмиэ тахсыбат. Дьокуускайтан биирдиилээн дьоннор инкубационнай сымыыттары аҕалтардылар. Онон 200 көтөр сымыытын бу үлэҕэ үгүс үөрүйэхтээх Белай Гора олохтооҕо Анна Прокопьевна Мартынова чоппууска таһаарарга ылсыһан үлэлиир-хамсыыр.

Источник: Афанасий Иванов.
Если вы стали очевидцем интересного события или происшествия, присылайте фото и видео на Whatsapp +7 (999) 174-67-82
Если Вы заметили опечатку в тексте, просто выделите этот фрагмент и нажмите Ctrl+Enter, чтобы сообщить об этом редактору.
Спасибо!
Система Orphus
ТОП НОВОСТИ
ПОСЛЕДНИЕ МАТЕРИАЛЫ