АФИША КАРТА ЯКУТСКА 2GIS Билеты онлайн
ПОГОДА
22
Ясно
КУРС ВАЛЮТ
Курсы валют
Курс ЦБ
$  59.36
 69.72
ЛЕНТА НОВОСТЕЙ
Архив новостей
Сахалыы
18 марта 2017, 11:47
2659

Кунду о5обут Лидакка, эн еруу биьиги аттыбытыгар бааргын…

Кулун тутар 18 кунугэр биьиги олохпутун икки аны араарбыт, харааьыннарбыт, тапталлаах о5обутун, балтыбытын, эдьийбитин, сиэн балтыбытын, дьуегэбитин Лидия Васильевна АНДРЕЕВАНЫ, Лидакканы сутэрбит ыар куммутуттэн номнуо биир сыл ааьар.
Лида 1982 сыл алтынньы 18 кунугэр тердус о5онон, игирэ анара буолан тереебутэ, Аграфена Степановна АНДРЕЕВА уонна Егор Ефимович ПЕТРОВ элбэх о5олоох дьиэ кэргэнигэр дьоллоох о5о сааьа ааспыта. Кыра эрдэ5иттэн улахан киьи курдук толкуйдаах, бэйэтэ туьунан ейдеех-санаалаах буолан, дьиэ кэргэнин, бииргэ тереебуттэрин олус уердэрэ. Игирэтин анарыттан эрдэ тереебут буолан, кыра эрдэ5иттэн бырааттарын кере-истэ, такайа сылдьара, улаатан да баран, бырааттарыгар эрэ буолбакка, до5отторугар эмиэ оннук сыьыаннаа5а – субэлээн, кемелеьен илдьэ сылдьара. О5о эрдэ5иттэн спортка сыьыаннаа5а биллибитэ, ураты кытыгырас, бэйэтин кыанар о5о этэ, еруу спортивнай курэхтэргэ кехтеехтук кыттан иьээччи.
1995 сыллаахха, Сунтаарга кик-боксинг секцията арыллыбытыгар Анатолий Иванович АФАНАСЬЕВКА дьарыктана киирбитэ, онтон ыла кини спортивнай оло5о са5аламмыта. Тренерэ Анатолий Иванович кини талааннаа5ын, ураты дьо5урдаа5ын бэлиэтии керен, тута биир бастын иитиллээччитэ буолбута. 1996 сыллаахха аан маннайгытын «Лонкур» спортивнай лаа5ырга дьарыктанан баран, куьунугэр, баара-суо5а 13 саастаах сылдьан, дьахталларга республика чемпионатыгар кыттыбыта. Ол курэххэ теье да кыайтардар, кик-боксинг курдук ыарахан спорт керунэ хайда5ын этинэн-хаанынан билбитэ. Онтон ыла дьаныардаахтык дьарыктанан барбыта, хотторуу хомолтотун билбэт буолбута, кини аата Саха сирин спордун эйгэтигэр киэнник биллибитэ. Ийэтэ Аграфена Степановна еруу аттытыгар этэ: курэхтэьиигэ да, спортивнай лаа5ырга да буоллун, наар кыыьын арыаллаан, кемелеьен илдьэ сылдьара. Оскуоланы бутэрэригэр, хайыы-уйэ Россия суумэрдэммит хамаандатын чилиэнэ этэ, угус ситиьиилээ5э, дойдубут киин куоратыгар Москва5а кеьен, Марк Ионович МЕЛЬЦЕР «Китэк» спортивнай кулуубугар дьарыгын сал5аабыта.
Аан дойду кик-боксинна алта тегуллээх чемпионката, аан дойду бокса5а дьахталларга чемпионатын боруонса призера, кик-боксинна Европа чемпионката, Россия бокса5а уонна кик-боксинна чемпионаттарын элбэх тегуллээх кыайыыла5а, бокса5а норуоттар икки ардыларынаа5ы спорт маастара, кик-боксинна Россия спордун утуелээх маастара – бу барыта биир киьи, биьиги Лидабыт ситиьиитэ.
Сал5ыы бэйэтин сатабылын, билиитин-керуутун, спортка ситиьиитин саха о5олоругар тиэрдээри, ча5ылхай спортсменнары таьаараары, элбэх ыра санаалаах Дьокуускайга Москваттан кеьен кэлэн, тренеринэн улэтин са5алаабыта. Угус сыаллаах-соруктаах, былааннаах этэ, бу маны барытын биир тугэн туора соппута – итирик туруктаах суоппар суол быьылааныгар суорума суоллаабыта. Ама да кыьыйбыт, абарбыт иьин, о5обутун туох теннеруе баарай? Дьыл5а Хаан соро5ор олус тыйыс буолар. Билигин Лидаккабыт уерэн-кетен, санаран-инэрэн, истинник мичээрдээн киирэн кэлиэх курдук…
Лида теье да кытаанах спорт керунунэн дьарыктаннар, рингэ5э ыарахан сутуруктаах спортсменка быьыытынан билиннэр, олус сэмэй уонна боростуой майгылаа5а – киьи се5уех курдук. Хаьан да5аны дьонно кыыьыра, кыйытта, куьа5аны саныы сылдьыбыта диэн суо5а, наар кемелеьер, дьону уердэр эрэ санаалаах, сырдык, ыраас киьи этэ. «Женская гордость», «Женщина мира» диэн бириэмийэлэр лауреттара буолбута – бу ча5ылхай туоьута.
«Этэ» диэн суруйар олус ыарахан… Лида курдук уерунньэн, элэккэй санаалаах киьи ессе да олох олоруохтаах, норуотугар, дьонугар куус-кеме буолуохтаах, элбэ5и айыахтаах-тутуохтаах, ситиьиэхтээх этэ. Кун курдук сырдык, элэккэй, аьыныгас санаалаах киьибит биьиги кэккэбититтэн соьумардык барбыта номнуо биир сыл ааста, ба5ар бу орто дойдуттан ордук учугэй дойдуга сылдьара буолуо диэн, бэйэбитин уоскутунабыт.
Тапталлаах о5обутун, эдьийбитин, балтыбытын, дьуегэбитин Лиданы еруу ахта сылдьабыт, кини туьунан санаабатах куммут суо5ун кэриэтэ. Кылгастык, ол эрэн олус ча5ылхайдык олорон ааспыт оло5ун, эн спортка ситиьиилэрин угус саха о5олорун, эн уерэнээччилэргин санаттан сана, урдук чыпчаалларга кынаттыахтара диэн эрэнэбит. Кунду о5обут, эн еруу биьиги аттыбытыгар бааргын…

Ийэтэ, а5ата, бииргэ тереебуттэрэ, аймахтара.

Источник: Сетевое издание SAKHALIFE.RU
Если вы стали очевидцем интересного события или происшествия, присылайте фото и видео на Whatsapp +7 (999) 174-67-82
Если Вы заметили опечатку в тексте, просто выделите этот фрагмент и нажмите Ctrl+Enter, чтобы сообщить об этом редактору.
Спасибо!
Система Orphus
ПОСЛЕДНИЕ МАТЕРИАЛЫ