АФИША КАРТА ЯКУТСКА 2GIS Билеты онлайн ГОД ЭКОЛОГИИ
ПОГОДА
10
Облачно
КУРС ВАЛЮТ
Курсы валют
Курс ЦБ
$  62.34
 73.37
ЛЕНТА НОВОСТЕЙ
Архив новостей
Сахалыы
2 февраля 2018, 10:20
1459

“Күрүлгэн”: түмүк сотору тахсыа

Уус-уран кэпсээни, сэһэни суруйууга Саха сирэ Арассыыйа судаарыстыбатыгар киирбитэ 385, САССӨ тэриллибитэ 95 сылларын бэлиэтигэр тэриллибит сабыылаах күрэхтэһии түмүгэ сотору кэминэн Ийэ тыл уонна Сурук-бичик күнүгэр тоҕооһуннаран тахсыаҕа.

Күрэхтэһиини “Ситим-Медиа” ХЭТ уонна “Утум” ӨУоТ таһаарар “Күрүлгэн” уус-уран сурунаалларын эрэдээксийэтэ Федерация Сүбэтин федеральнай тутулга, региональнай политикаҕа, олохтоох салайыныыга уонна Хоту сир дьыалаларыгар кэмитиэтин бэрэссэдээтэлин солбуйааччы А.К. Акимов өйөбүлүнэн биллэрбитэ.

Барыта 49 айымньы дьүүлгэ туран тургутулла сылдьаллар. Эрдэ этиллибитин курдук, дьүүлү анал тургутааччылар бэйэ-бэйэлэриттэн тутулуга суох оҥороллор. Кинилэр суруйбут дьону билбэттэр, айымньыларга ирдэбил тосхоллорунан балл туруораллар. Ол эбиллэн түмүк таһаарыллар. Эрэдээксийэ ону тэрийэр эрэ.

Билиҥҥи барыллааһын чахчыларыгар олоҕуран билиһиннэрдэххэ, күрэхтэһиигэ сойуустаах алта суруйааччы кыттыбыт. Өрөспүүбүлүкэҕэ баар икки сойуустан иккиэннэриттэн бааллар. Күрэхтэспит дьон бары билиннэхтэринэ, ити көрдөрүү үрдүк буолуон сөп. Ону таһынан биллэр ааптардар, суруналыыстар кыттыбыттар. Биир кыттааччы билим кандидата. Кыттааччылар баһыйар улахан аҥаардара — эр дьон. Түөрт үөрэнээччи айар-суруйар күрэхтэһиигэ холоммуттара хайҕаллаах көстүү. Амма Мээндигэтээҕи П.И. Караканов аатынан орто оскуолатын учуутала Терентьева Лена Николаевна, үс үөрэнээччини көҕүлээн, үтүө холобуру көрдөрбүт. Барыларыттан саастаах кыттааччы 74-тээх.

Билигин биллэринэн, барыта 14 улуустан төрүттээх дьон кыттыбыттар: Абый, Амма, Анаабыр, Бүлүү, Горнай, Дьааҥы, Мирнэй, Мэҥэ Хаҥалас, Ньурба, Сунтаар, Таатта, Уус-Алдан, Чурапчы, Хаҥалас. Олорор сирдэрэ эмиэ киэҥ — биир инньэ Москубаттан кэлбит айымньы баар. Аны, күрэхтэһиигэ кыттар ааттарын латыницанан суруммуттар бааллар: Tamajaaqap, Sybetej. Эмиэ бэлиэ көстүү.

Кылгастык билиһиннэрдэххэ итинник. Түмүк таҕыстаҕына сиһилии ырытыы оҥоһуллуоҕа.

Дьүүллүүр сүбэ быһаарыытынан, бастыҥнарга туоһу сурук уонна харчынан бириэмийэ туттарыллар: бастакыга — 60 000 солк., иккискэ — 40 000 солк., үһүскэ — 30 000 солк. Талыллыбыт, биһирэммит айымньылар “Күрүлгэн” уус-уран сурунаалга бэчээттэниэхтэрэ уонна, С.А. Новгородов аатынан “Бичик” кинигэ национальнай кыһатын дириэктэрэ А.В. Егоров бу күннэргэ биллэрбитинэн, анал хомуурунньукка киириэхтэрэ эбэтэр туспа кинигэнэн тахсыахтара.

Источник: “Күрүлгэн” сурунаал эрэдээксийэтэ.
Если вы стали очевидцем интересного события или происшествия, присылайте фото и видео на Whatsapp +7 (999) 174-67-82
Если Вы заметили опечатку в тексте, просто выделите этот фрагмент и нажмите Ctrl+Enter, чтобы сообщить об этом редактору.
Спасибо!
Система Orphus
Теги: 
ПОСЛЕДНИЕ МАТЕРИАЛЫ