АФИША КАРТА ЯКУТСКА 2GIS Билеты онлайн ГОД ЭКОЛОГИИ
ПОГОДА
12
Ясно
КУРС ВАЛЮТ
Курс ЦБ
$  65.82
 77.38
18+
ЛЕНТА НОВОСТЕЙ
Архив новостей
Спорт
23 июня 2018, 22:32
4538

Дыгын оонньууларын бастакы күнэ: Филиппов бастаан иһэр

Бүгүн Үс Хатыҥҥа саха многоборьетыгар саамай чаҕылхай күрэхтэһии — Дыгын оонньуулара буолла. Бастакы күн 12 эр бэрдэ үс көрүҥҥэ — мас тардыһыыга, тутум эргииргэ уонна «Үс төгүл үс» ыстаныыга күөн көрүстүлэр.

Уопсай түмүгүнэн икки төгүллээх чөмпүйүөн Хаҥалас хотойо Егор Филиппов бастаан иһэр. Кини ыстаныыга бастакы, тутум эргииргэ сэттис, мас тардыһыыга иккис буолла.

Айсен Ботуев

Иккис миэстэҕэ 18 эрэ саастаах саамай кыра саастаах кыттааччы Үөһээ Бүлүү боотура Айсен Ботуев тахсан, дьону-сэргэни соһутта. «Тутумҥа» 2 мүн. устата 66-та эргийэн элбэх ыалдьааччыланна.

Николай Матаннанов:

Үсүһүнэн Таатта ыччата, былырыыҥҥы Манчаары оонньууларын многоборьетын кыайыылааҕа Николай Матаннанов иһэр.

Сарсын уолаттар хапсаҕайга, сүүрүүгэ, оҕунан ытыыга уонна таас көтөҕүүгэ илин-кэлин түсүһүөхтэрэ.

Көрүҥнэринэн түмүк:

Бэлиэтээн эттэххэ, быйыл саҥа сирэйдэр элбэхтэр, ол оннугар урут кыттыбыт тааһы көтөҕүүгэ рекордсмен Дьулустаан Ноговицын (Горнай), мас тардыһыыга аан дойду чемпиона Дмитрий Попов (Уус Алдан), Дыгын оонньууларын икки төгүллээх призера Алексей Козлов (Усуйаана) уолаттарга секунданынан, ыалдьааччынан сылдьаллар.

Николай Попов, «Саха сирэ», edersaas.ru

Айтана Аммосова хаартыскаҕа түһэриитэ.

Если вы стали очевидцем интересного события или происшествия, присылайте фото и видео на Whatsapp +7 (999) 174-67-82
Если Вы заметили опечатку в тексте, просто выделите этот фрагмент и нажмите Ctrl+Enter, чтобы сообщить об этом редактору.
Спасибо!
Система Orphus
ТОП НОВОСТИ
ПОСЛЕДНИЕ МАТЕРИАЛЫ