АФИША КАРТА ЯКУТСКА 2GIS Билеты онлайн ГОД ЭКОЛОГИИ
ПОГОДА
27
Ясно
КУРС ВАЛЮТ
Курсы валют
Курс ЦБ
$  62.34
 73.37
ЛЕНТА НОВОСТЕЙ
20.08.2018, 9:01
Желток
Видео
Отонньуттар
19.08.2018, 19:47
Общество
Фотофакт
В Якутии ягоды есть!
18.08.2018, 15:31
Общество
Фотофакт
Летний букет
Архив новостей
Сахалыы
10 августа 2018, 12:53
2206

Чурапчыга киһини эдэригэр түһэрэр аппараат оҥоһулунна

Талан ылбыт идэ, күннээҕи түбүктээх үлэ таһынан бэйэ толкуйунан араас аппарааттары, уопуттары оҥоруу хас киһи аайы кыаллыбат.

Чурапчыга Ньургун Филиппов үлэтин, Саха бастакы бэрэсидьиэнэ М.Е. Николаев кэлэн көрө сылдьан:

“Уолгутун болҕомтоҕо ылан, оҥорор уустук аппарааттарын патыанныыр кэм уолдьаспыт”, — диэн этэн аһарбыттааҕа.

Кэпсиир дьоруойбут дьиэтигэр-уотугар үгүс учуонайдар, чинчийээччилэр, Германия үнстүтүүтүн, Арассыыйа космическай хараабылын үлэһиттэрэ тиийэ кэлэн ыалдьыттаан барбыттара.

Ньургун Филиппов 39 саастаах, Чурапчы улууһун Хатылы нэһилиэгиттэн төрүттээх. 1997 сыллаахха программист, телемастер идэтин ылбыта. Арассыыйа сэбилэниилээх күүстэрин кэккэтигэр сулууспалаан баран үлэтин улуустааҕы киин балыыһаҕа медицинскэй оборудование технигиттэн саҕалаабыта. Өр сыл “Саха көрдөрөр-иһитиннэрэр хампаанньа” Чурапчытааҕы филиалын “Маарыкчаан” телестудиятыгар операторынан үлэлээбитэ. Билигин үс оҕотун бэйэтэ көрөн-истэн олорор.

 

— Ньургун, бэйэҥ дьарыгын туһунан ютуб ханаалга анал биэриигэ тахсыыларын туһунан кылгастык сырдат эрэ?

— Ютубка тахсыбытым 9 сыл буолла. Үксүн документальнай киинэ курдук уста сатыыбын, монтажтаабаппын. Чурапчы улууһун Хадаар нэһилиэгэр Уорҕа учаастага диэн баар. Ол онно хараҥаҕа сырдыыр сир баарын туһунан дьон кэпсиирин интэриэһиргээн уста сатыыбын. Уорҕаҕа үрдүк сыырыгар кэмиттэн-кэмигэр сэттэ чаас устата тохтоло суох чаҕылҕан түһэрин туһунан кэпсииллэр. Бэйэм көрө иликпин буолан баран, түбэһэ түһэн устуом дии саныыбын. Ити көстүүгэ олоҕуран атын даҕаны биэриилэрбэр айылҕа туһунан сырдата сатыыбын.

— Итини таһынан, бэйэҕэр уопут быһыытанан олоххо көстөр араас моһоллору ааспытын: тыаҕа атах-балай сылдьан, куоракка сайын устата харчыта суох олорон, билиҥҥи тиэхэньикэ сайдыбыт кэмигэр илиинэн оттук маһы кэрдэн, эрбээн, иһэр мууһу күөлтэн салаасканан таһынан о.д.а. Итини туох диэн кэпсиэҥ этэй?

— Дьон быыһыгар киһи буолан сырыттаҕым дии (күлэр). Итини барытын научнай үлэ диэн ааттыыбын. Олох үлэтин быһаара сатаан, айылҕа тугу биэрэрин үтүктэммин, саҥа арыйыылары оҥостубутум. Холобура, сылаастык таҥна сылдьар киһи бытааннык кырдьар эбит. Итини таһынан муус уутун оргуппакка иһэр иҥэмтиэлээх буолар. Аны мууһу кыһыҥҥы кэмҥэ муос (пластмасса) уһааттан иһэр туһалаах. Ити барыта наукаҕа олоҕуран буолар. Айылҕаҕа “живая вода” диэн баар, ол онон киһиэхэ водород киирэр. Өскөтүн эн чараастык таҥна сылдьар буоллаххына ол водородун түргэнник бүтэр. Саха сирин тыйыс тымныы сиригэр олорорбут быһыытынан ичигэстик таҥна сылдьыахтаахпыт. Хайдах даҕаны ылан көрдөххө кырдьыы Саха сиригэр түргэнник буолар.

— Биир сүрүн арыйыыгынан “киһини эдэригэр түһэрэр” аппараат оҥорбутун буолар, ол туһунан кэпсээ эрэ.

— Ити аппараат икки көрүҥнээх: бастакыта — сылаа таһаарар, ыраастыыр. Иккиһэ — эдэргэр түһэрэр диэн. Бу аппараат оҥоһуутугар алта сыл баранна. Чаҕылҕан энергията сир үрдүнэн сүүрүүтүгэр мас чоҕу уматар, ол ууну кытары холбоһон водород таһаарар. Мин ол ону үтүктэммин сыбааркалыыр аппарат көмөтүнэн мас чоҕун ууга силбэһиннэрэбин, ол онтон тахсыбыт водороду бэйэм нөҥүө ыытабын. Бэйэбэр боруобаланан көрбүтүм, сылайбыккын тута аһардар. Эдэргэ түһэрэр аппарааты туһаныахпын бэйэм билигин даҕаны эдэрбин. Дьоҥҥо сүбэм диэн сылаас дьиэҕэ олоруҥ, ичигэстик таҥна сылдьын. Эппитим курдук, иһэр ууну муос уһааттан иһин, цинковай тимир дьааты таһаарар. Бу икки усулуобуйаны тутустахха Сахабыт сиригэр чэгиэн-чэбдик сылдьыахха сөп.

Если вы стали очевидцем интересного события или происшествия, присылайте фото и видео на Whatsapp +7 (999) 174-67-82
Если Вы заметили опечатку в тексте, просто выделите этот фрагмент и нажмите Ctrl+Enter, чтобы сообщить об этом редактору.
Спасибо!
Система Orphus
Теги: 
ТОП НОВОСТИ
ПОСЛЕДНИЕ МАТЕРИАЛЫ