АФИША КАРТА ЯКУТСКА 2GIS Билеты онлайн
ПОГОДА
28
Ясно
КУРС ВАЛЮТ
Курсы валют
Курс ЦБ
$  59.54
 67.69
ЛЕНТА НОВОСТЕЙ
Архив новостей
Сахалыы
22 марта 2017, 0:21
599

Cаха дьылы ааҕыыта

Саха кыһынын уһунун кээмэйэ 220 хонугунан ааҕыллар.

Ол аата Бокуруобу, алтынньы 14 күнүн кыһыҥҥы хонукка киллэрэн туран, сааскы Ньукуолуҥҥа диэри, ыам ыйын 22 күнүгэр дылы ааҕыллар.

Тохсунньу 31 уонна олунньу 1 күнүн ыксыыта Дьыл оройо буолар.

Ол аата саха ыалыгар бу күҥҥэ оттонуллубут от, мастаныллыбыт мас, хаһааныллыбыт эт-арыы, ас-үөл аҥаара баар буолара. Олох ирдэбиллэрэ этэ.

Саха саарына киэһээҥҥи аһылыгын кэнниттэн кэтэх тардыста сытан ааҕынан, суоттанан көрөр кэмэ, түгэнэ.

Онтон көрөн сүөһүлэригэр, сылгыларыгар отун хайдах үллэрэн аһатарын уонна бэйэтигэр хаалбыт хаһаас аһын-үөлүн хайдах күөххэ үктэниэҕэр дылы былааннаан тыырынара.

Дьэ, бу кэм сахаларга былыр-былыргыттан тымныы оройунан ааҕыллар.

Тымныы чысхаана Дьылбыт Оҕуһун муоһа тостуоҕунааҕар саамай сэтэрээн үүнэр кэмэ буолар.

Дьыл Оҕуһун бастакы муоһа олунньу 12 күнүгэр тостор, онтон ыла 12-лии хонугунан ааҕыллан, иккис муоһа тостор, моойдоох баһа быстар, күр көхсө сууллар.

Онтон ыам ыйыгар диэри “түөрт уон дьыбар, түөрт уон уораан” диэн аатырар.

Маны анааран толкуйдаабат, ыраҥалаабат дьон бутууру таһаараннар, дьыл-хонук хаамыытын сыыһа сылыктааннар, Дьыл Оҕуһун муоһун эрдэ анаан «тоһуппуттара” номнуо 20-чэ сыл буолла.

Тоҥ үөрэх этэрин туоһу гынар кэм ааста.

Өбүгэ билиитэ быдан күүстээх уонна үйэлээх тыыннаах.

Эппиппин чопчулаан халлаан ундаарыгар (халандааргар) тутан олорон аах.

Ис туоһуларым (источнигым).
2015 сылга диэри икки ийэлээх этим. Ийэм НАУМОВА Марфа Степановна 91 сааһын толору олорбута, ийэ кылыным Дьячковская Прасковья Михайловна 92 сааһын туолбута, аҕаларым аҕыс уоннарын лаппа ааспыттара.

Источник: Айыы Сиэн
Если вы стали очевидцем интересного события или происшествия, присылайте фото и видео на Whatsapp +7 (999) 174-67-82
Если Вы заметили опечатку в тексте, просто выделите этот фрагмент и нажмите Ctrl+Enter, чтобы сообщить об этом редактору.
Спасибо!
Система Orphus
ПОСЛЕДНИЕ МАТЕРИАЛЫ