АФИША КАРТА ЯКУТСКА 2GIS Билеты онлайн
ПОГОДА
-11
Мокрый снег
КУРС ВАЛЮТ
Курсы валют
Курс ЦБ
$  57.09
 67.30
ЛЕНТА НОВОСТЕЙ
Архив новостей
Сахалыы
14 ноября 2016, 12:06
630

Биэлсэр-акушер пууна дьэндэйдэ

Сэтинньи 7 күнүгэр Мэҥэ-Хаҥалас Томтор бөһүөлэгэр өссө биир үөрүүлээх күн тосхойдо. Нэһилиэк олохтоохторо аны аныгылыы тутуулаах, толору хааччыллыылаах сырдык, сылаас биэлсэр-акушер пуунугар кэлэн доруобуйаларын көрдөрүнэр буолуохтара. Саҥа пуун чааһынай судаарыстыбаннай хардарыта үлэлэһии бырагырааматын чэрчитинэн «Республика 2007» тутуу тэрилтэ үлэһиттэринэн  тутулунна. Маннык бырагыраама өрөспүүбүлүкэ үрдүнэн 8 нэһилиэккэ үлэлээбит.

Үөрүүлээх тэрээһиҥҥэ СӨ Доруобуйаҕа харыстабылын миниистирэ Михаил Охлопков, улуус баһылыга Николай Старостин, улуус кылаабынай бырааһа Алексей Павлов ыалдьыттаатылар. Саҥа дьиэҕэ киирии малааһынын уруйдаан Томтор нэһилиэгин Бочуоттаах гражданина Николай Свинобоев аал-уоту оттон алгыс бастыҥын анаата.

Олохтоохтору устуоруйаҕа киирбит дьоһун күнүнэн миниистир Михаил Егорович эҕэрдэлээтэ уонна биэлсэргэ Любовь Яковлеваҕа  200 тыһыынча солкуобайдаах сэртипикээти бэлэх уунна. Тутуу Ваха ___ символическай күлүүһү дьиэ хаһаайкатыгар үтүө баҕа санаатын этэн туран  туттарда.

1993 сыллаахха тутуллубут, күн-бүгүн тэллэй быһа сиэн, эргэрбит дьиэ үлэлииргэ табыгаһа суоҕунан Томтор нэһилиэгин баһылыга Мирон Свинобоев быһаччы сүүрүүтүнэн-көтүүтүнэн тымныыны, итиини тулуйар, баһаарга эмсэҕэлээбэт анал билиитэлэринэн оҥоһуллубут, киэҥ-куоҥ, сырдык,  саҥа пуун аанын тэлэччи аһан, олохтоохтору астыннарда. Биэлсэр-акушер пуунун саҥа дьиэтэ бөһүөлэк иһин көстүүтүн өссө тупсарда.

Источник: Виктория БЕЛОЛЮБСКАЯ. Мегино-Кангаласский улус.
Если вы стали очевидцем интересного события или происшествия, присылайте фото и видео на Whatsapp +7 (999) 174-67-82
Если Вы заметили опечатку в тексте, просто выделите этот фрагмент и нажмите Ctrl+Enter, чтобы сообщить об этом редактору.
Спасибо!
Система Orphus
ПОСЛЕДНИЕ МАТЕРИАЛЫ