АФИША КАРТА ЯКУТСКА 2GIS Билеты онлайн
ПОГОДА
-9
Небольшой снегопад
КУРС ВАЛЮТ
Курсы валют
Курс ЦБ
$  57.34
 67.46
ЛЕНТА НОВОСТЕЙ
Архив новостей
Сахалыы
6 ноября 2016, 10:37
1260

Биһиги ЗИ-92 этибит

1992 сыллаахха дьоллоох Дьокуускай куорат үрдүк үөрэх кыһатыгар — тыа хаһаайыстыбатын институтугар туттарса кэлбитим. Долгуйан туран бэлэмнэнэн, киирии экзаменнары «5» туттартаан, студент аатын ылбытым.

Күһүнүн зооинженернай уонна зооветеринарнай группалартан хомуллан Уус-Алдан улууһун Өнөр нэһилиэгэр практикалана барбыппыт. Салайааччынан эдэркээн Карманова Татьяна Ивановна ананан барсыбыта. Бары бииргэ суулаһан олус иллээхтик-эйэлээхтик сылдьыбыппыт. Уһулуччу организаторскай талааннаах Сивцев Андрей тута командирынан анаммыта.

Эһэлээх диэн комплексы цеменнээх растворунан сыбаабыппыт. Аны санаатахха, үлэ бөҕө үлэлээбит эбиппит. Эдэр оҕолор буолан үөрүү-көтүү аргыстаах, сылааны да билиннэрбэккэ сырыттахпыт. Практика бүтүүтэ олохтоох салалта эбии үлэ биэрэн аҕыйах оҕо хамнаска үлэлии хаалбыппыт.

Бастакы курстарга биһиги группабыт кураторынан Черова Екатерина Егоровна үлэлээбитэ. Буоларын курдук, курспутугар уолаттар элбэх этилэр, деканатка сотору-сотору киирэн мөҕүллэр этибит, кинилэр тустарыгар көрдөһөр да түгэннэр бааллара. Ол да буоллар, үөрэхпитигэр да үчүгэй этибит, араас тэрээһиннэргэ да көхтөөхтүк кыттан инники күөҥҥэ сылдьарбыт.

Улахан курстарга биһиэхэ кураторынан Черкашина Анна Георгиевна анаммыта, үөрэхпитин бүтэрэн специалист буоларбытыгар, сорохтор наукаҕа барарбытыгар үгүс кыһамньытын уурбута. Ол курдук утуу-субуу аспирантураҕа үөрэнэн биһиги группаттан 4 киһи наука кандидата буола үүммүттэрэ.

Киһи инники олоҕор үөрэппит преподавателлэрин сабыдыала наһаа улахан буолар эбит. Кинилэр үөрэтэн-такайан бэҕэһээҥҥи оскуола оҕолоруттан, эдэр дьонтон бу бүгүҥҥү үлэһит дьон буолан сырыттахпыт. Тыа хаһаайыстыбатыгар үлэлии-хамсыы сылдьар оҕолор биһигиттэн элбэхтэр. Биһиги үөрэнэр кэммитигэр ректор Чугунов Афанасий Васильевич, кэлин Сивцев Иннокентий Семенович, декан Петров Филипп Дмитриевич, деканы солбуйааччы Черноградская Наталья Матвеевна, Петрова Софья Алексеевна этилэр, ити үлэлэрин быыһыгар биһигини эмиэ үөрэтэллэрэ. Билигин даҕаны учууталларбын көрүстэхпинэ паартаҕа олоро түһэн үөрэниэхпин баҕарабын.

Мин дипломнай үлэм салайааччыта Чугунов Афанасий Васильевич этэ. Кини салайан, үөрэхпин бүтэрээт, Дьокуускайдааҕы тыа хаһаайыстыбатын научнай-чинчийэр институтка аспирантураҕа туттарсан киирбитим. Хойутуу однокурсницам, дьүөгэм Уйгулаана Сидорова-Хомподоева эмиэ туттарсан киирбитэ. Салайааччыларбыт — т.х.н.д. Пермяков Н.С., т.х.н.к. Горохов Н.И. этилэр. Хаҥалас улууһун Булгунньахтаах нэһилиэгэр саха сүөһүтүн хаанын эргитиитигэр улахан научнай-чинчийэр үлэ ыытыллыбыта.

2009 сыллаахха иккис идэбэр Хотугулуу-Илин Федеральнай Университет финансовай-экономическай институтун үөрэнэн бүтэрбитим.

2010 сыллаахха кандидатскай диссертация көмүскээбитим.

Ол кэннэ Нам улууһугар тыа хаһаайыстыбатын управлениетын главнай зооехнигынан үлэлээбитим.

Билигин Дьокуускайдааҕы тыа хаһаайыстыбатын академиятыгар преподавателинэн үлэлиибин.

Кэргэннээхпин, үс оҕолоохпун. Үөрэммит кыһабар үлэлии киирбиппиттэн киэн туттабын.

 

Источник: Елена Ильина, кандидат сельскохозяйственных наук, доцент Инженерного факультета Якутской ГСХА.
Если вы стали очевидцем интересного события или происшествия, присылайте фото и видео на Whatsapp +7 (999) 174-67-82
Если Вы заметили опечатку в тексте, просто выделите этот фрагмент и нажмите Ctrl+Enter, чтобы сообщить об этом редактору.
Спасибо!
Система Orphus
Теги: 
ПОСЛЕДНИЕ МАТЕРИАЛЫ