АФИША КАРТА ЯКУТСКА 2GIS Билеты онлайн
ПОГОДА
8
Слегка облачно
КУРС ВАЛЮТ
Курсы валют
Курс ЦБ
$  56.27
 62.92
ЛЕНТА НОВОСТЕЙ
Архив новостей
Сахалыы
18 октября 2016, 11:33
695

Бүгүн — үөрүүлээх үбүлүөй, үлэни түмүү, инникини көрүнүү

Дьокуускай куорат Бекетов уулусса 6 нүөмэрдээх дьиэтэ — саха балаҕана. Манна киирээт да, сахалыы таҥастаах эйэҕэс мичээрдээх дьону көрсөҕүн. Көмүлүөк оһох оттулларга бэлэм турарын, мустубуттар туох да сүксүлгэнэ суох үөрүүлээх дьаһалга бэлэмнэнэ, дьыалаларын бүтэрэ-оһоро сылдьалларын бэлиэтиигин.

Элбэх дьон — 70-ча киһи — мустубута туох эрэ биир ситим, үтүө сыһыан, өйдөһүү-өйөһүү баарын көрдөрөр. Бу үтүө үлэтинэн республикаҕа эрэ буолбакка, кини таһыгар биллэр «Көмүлүөк» диэн бэтэрээннэр улахан кулууптара 15 сылын бэлиэтиир.Камелек 2

Бүгүн манна кулуубу тэрийбит, 15 сылы быһа быстыбакка үлэлэспит, үтүө аатын үксэтиспит бэтэрээннэр уонна ыҥырыылаах ыалдьыттар кэлбиттэр. Кулууп талаан тарбахтаахтарын оҥоһуктара, уран тыллаахтарын кинигэлэрэ көрдөрүүгэ турбуттар. Остуол хотойорунан аһылыкка хотуттан-соҕурууттан кэлбит эти, балыгы буһаран-хатаран, туустаан-тумалаан хаһаайкалар илиилэрин сылааһа биллэр.

«Көмүлүөк» кулууп ыытар үлэтин ыыра олус киэҥ. Ол курдук, оҕо тэрилтэлэрин, оскуолалары, социальнай тэрилтэлэри уонна “Үһүс көлүөнэ” оскуоланы кытта үөрэтэр-уһуйар үлэни ыытыһар.

Үбүлүөйгэ кулууп аатыгар, чуолаан, салайааччы Мария АЛЕКСАНДРОВАҔА туһулаан элбэх махтал тыл этилиннэ. Республикатааҕы уонна Дьокууйскай куораттааҕы бэтэрээннэр сэбиэттэрин, Ил Түмэн уонна Компартия Саха сиринээҕи уонна Дьокуускай куораттааҕы комитеттарын грамоталара, “Сэрии сылын оҕолоро” Бүттүүн оссиятааҕы общественнай тэрилтэтин Киин Сэбиэтин үрүҥ көмүс знага туттарылынна.

Ил Түмэн депутата, Компартия рескомун бюротын чилиэнэ, “Сэрии сылын оҕолоро” хамсааһын республикатааҕы сүбэтин бэрэссэдээтэлэ Иннокентий ВАСИЛЬЕВ кулууп олус наадалаах дьыаланнан дьарыктанарын бэлиэтээтэ уонна барыларыгар доруобуйаны, ситиһиилэри уонна дьолу-соргуну баҕарда.

Источник: Зинаида ВИНОКУРОВА, «Сэрии сылын оҕолоро» тэрилтэ Дьокуускай куораттааҕы сэбиэтин бэрэссэдээтэлэ.
Если вы стали очевидцем интересного события или происшествия, присылайте фото и видео на Whatsapp +7 (999) 174-67-82
Если Вы заметили опечатку в тексте, просто выделите этот фрагмент и нажмите Ctrl+Enter, чтобы сообщить об этом редактору.
Спасибо!
Система Orphus
ТОП НОВОСТИ
ПОСЛЕДНИЕ МАТЕРИАЛЫ