АФИША КАРТА ЯКУТСКА 2GIS Билеты онлайн ГОД ЭКОЛОГИИ
ПОГОДА
18
Ясно
КУРС ВАЛЮТ
Курсы валют
Курс ЦБ
$  61.41
 72.01
ЛЕНТА НОВОСТЕЙ
Архив новостей
Сахалыы
6 марта 2018, 12:00
823

Александр Данилов: Күн Күбэй хотуттарга, күлүүк-мааны кыргыттарга

Күндү Айыылартан көмүс тэҥнээх бэлэх курдук бэриллибит кэрэ аҥаардарбытын бу кэлбит кулун тутар 8-с күнүгэр бэлиэтэнэр Аан дойдутааҕы дьахтар күнүнэн эҕэрдэлиибин! Уонна саха үгэһинэн, күн курдук күндүтүк саныыр ийэлэрбитин, кэргэннэрбитин, кыргыттарбытын, Оһуокай тылынан алгыыбын!

 

Эһиэ-эҺиэ эһиэкэй! Оһуо-оһуо оһуокай!

Сааскы мааны  сырдык күн сыламньыйар сылааһа

Саха кэрэ кыргыттарын,  айгыр дьаралык саҥастарын

Сааһын сиппит ийэлэрин, ытык мааны эбэлэрин

Саха омук киэргэллэрин, сүрэҕи үөрдэр бэлэхтэрин

Кэлэн эрэр күннэринэн, сыламай ыраас дьайыынан

Кулун тутар киэргэлинэн, ахсыс соргу күнүнэн

Күн Күбэй хотуттарга, күлүүк-мааны кыргыттарга

Күүскэ дьолу баҕаран, уруй быйаҥ  тосхотон

Олох дьолун хоһуйан, оһуокайдаан этэбин –

Айхал тардан алгыыбын, уруй тосхой туойабын!

Сарыал нарын дьүһүннээх, саргылаах саха дьахталлара

Симик кэрэ сирэйдээх, саха чаҕыл кыргыттара

Сааскы сибэкки күнүгэр, дьөрбүө курдук наар буолуҥ!

Эдьэҥ эдьий Иэйэхсит, эҕэрдэтэ эҥэрдэстин,

Элэккэй майгы бэристин, имэҥ таптал бэлэхтээтин!

Арҕаһыттан тэһииннээх, айыы дойду аймаҕын

Аарыма элбэх ахсааннааҥ  Арассыыйа үрдүнэн!

Ахтылҕаннаах Айыыһыт алгыс тылын аттаран

Үс- түөрт элбэх мөлүйүөн ураанхай саханы үөскэтиҥ!

Үтүмэн үгүс үлэҕитин, үтүө мааны быһыыгытын

Үүнэр үйэлэр тухары кэнэҕэс ыччат аҕыннын!

Илин суолгут уһаатын, өрөгөйгүт үрдээтин!

Домм! Домм! Домм!

 

Саха Сиринээҕи Оһуокай Түмсүү баһылыга

Александр Джурович Данилов-Дьулуур Хаан

Если вы стали очевидцем интересного события или происшествия, присылайте фото и видео на Whatsapp +7 (999) 174-67-82
Если Вы заметили опечатку в тексте, просто выделите этот фрагмент и нажмите Ctrl+Enter, чтобы сообщить об этом редактору.
Спасибо!
Система Orphus
ПОСЛЕДНИЕ МАТЕРИАЛЫ